షాద్‌నగర్: రంగారెడ్డి జిల్లా షాద్‌నగర్ మున్సిపాలిటీ పరిధిలోని 24వ వార్డు నుండి శంషాబాద్‌లో నిర్వహించిన భారీ ఓబీసీ ఆత్మీయ సమ్మేళనానికి నాయకులు, కార్యకర్తలు భారీ సంఖ్యలో తరలివెళ్లారు. అగ్గనూర్ విశాలా విశ్వం పిలుపు మేరకు చేపట్టిన ఈ కార్యక్రమాన్ని వార్డు ముఖ్య నాయకులు కిట్టు ఆధ్వర్యంలో ఎంతో ఘనంగా నిర్వహించారు. సభకు వెళ్లే ముందు స్థానికంగా ప్రత్యేక ఏర్పాట్లు చేసి, శ్రేణులను ఉత్సాహంగా సాగనంపారు.
ఈ సందర్భంగా నాయకుడు కిట్టు మాట్లాడుతూ.. వెనుకబడిన వర్గాల (ఓబీసీ) హక్కుల సాధన, సంక్షేమం మరియు రాజకీయ ప్రాతినిధ్యం కోసం శంషాబాద్ వేదికగా తలపెట్టిన ఈ మహాసభను విజయవంతం చేయడానికి 24వ వార్డు ప్రజలు, యువత స్వచ్ఛందంగా పెద్ద ఎత్తున తరలివచ్చారని తెలిపారు. అగ్గనూర్ విశాలా విశ్వం నాయకత్వంలో వార్డు అభివృద్ధితో పాటు, బడుగు, బలహీన వర్గాల హక్కుల పరిరక్షణ కోసం ఎల్లవేళలా ముందుంటామని ఆయన స్పష్టం చేశారు.
ఈ కార్యక్రమంలో అగ్గనూర్ నందు, మోగి, సిద్దు, వెంకట్ రెడ్డి, పటోళ్ల మల్లికార్జున్, శ్రీకాంత్, సంపత్, సాయిలు, రాములు గౌడ్, రవి, మణికంఠ కాలనీవాసులు, స్థానిక కాంగ్రెస్ కార్యకర్తలు పాల్గొని సభకు ఉత్సాహంగా పయనమయ్యారు.