ఆమనగల్లు: కల్వకుర్తి నియోజకవర్గం ఆమనగల్ మండలం కేంద్రంలో ఆర్ఎస్పీ ఫౌండేషన్ ఆధ్వర్యంలో రాబోయే పట్టభద్రుల ఎమ్మెల్సీ ఎన్నికల గురించిన అవగాహన సదస్సును కౌన్సిలర్ పాపిశెట్టి రాము ఘనంగా ప్రారంభించారు. ఈ సందర్భంగా ఆయన మాట్లాడుతూ.. ప్రజాస్వామ్యంలో ప్రతి పట్టభద్రుడు తన ఓటు హక్కును విధిగా సద్వినియోగం చేసుకోవాలని పిలుపునిచ్చారు. చైతన్యవంతమైన యువత సరైన నాయకులను ఎన్నుకోవడంలో కీలక పాత్ర పోషించాలని కోరారు.
ఈ కార్యక్రమంలో 2023 సంవత్సరంలోపు డిగ్రీ పూర్తి చేసుకున్న అనేకమంది మహిళలు, పురుషులు ఉత్సాహంగా పాల్గొని కొత్తగా ఓటరు నమోదు కోసం దరఖాస్తు చేసుకున్నారు. అర్హులైన ప్రతి ఒక్కరూ ఓటరుగా పేరు నమోదు చేసుకోవాలని నిర్వాహకులు సూచించారు.
ఈ కార్యక్రమంలో ఆర్ఎస్పీ ఫౌండేషన్ బోర్డు డైరెక్టర్ అశ్విన్ కుమార్, బోర్డు సభ్యులు బండల్ల చందు, కొమ్ము కిరణ్ కుమార్, దొబ్బల భాస్కర్, కొప్పు మహేష్, సింగపాకుల రాము, వసుపుల శ్రీకాంత్, యాదగిరి, స్థానిక నాయకులు శ్రీను నాయక్, రాములు తదితరులు పాల్గొన్నారు.