HomeAndhra Pradesh News

ఆంధ్రప్రదేశ్

విశాఖలో ఐబీఎం ఫ్యూచర్ సెంటర్ ప్రారంభం

విశాఖపట్నం ఇసుకతోటలోని లాన్సమ్ స్క్వేర్‌లో ఐబీఎం కన్సల్టింగ్ 'ఫ్యూచర్‌నౌ సెంటర్'ను రాష్ట్ర విద్య, ఐటీ శాఖల మంత్రి నారా లోకేష్, ఐబీఎం ఇండియా ఎండీ సందీప్ పటేల్‌తో కలిసి ప్రారంభించారు. ప్రపంచవ్యాప్తంగా ఏఐ, డిజిటల్ ట్రాన్స్‌ఫర్మేషన్ సేవలకు మద్దతుగా ఈ సెంటర్ పనిచేస్తుందని, ఏపీ యువతను ప్రపంచ డిజిటల్ ఆర్థిక వ్యవస్థలో భాగస్వాములను చేయడమే తమ ప్రభుత్వ లక్ష్యమని మంత్రి పేర్కొన్నారు.

శ్రీశైలానికి పెరుగుతున్న వరద.. జూరాల నుంచి 1.76 లక్షల క్యూసెక్కుల ఇన్‌ఫ్లో

ఎగువ ప్రాంతాల్లో కురుస్తున్న వర్షాలతో జూరాల ప్రాజెక్ట్ నుంచి శ్రీశైలం జలాశయానికి 1,76,711 క్యూసెక్కుల వరద నీరు వచ్చి చేరుతోంది. ప్రస్తుతం శ్రీశైలంలో 72.19 టీఎంసీల నీటి నిల్వ ఉంది. మరోవైపు ధవలేశ్వరం బ్యారేజ్ వద్ద రెండో ప్రమాద హెచ్చరికను అధికారులు ఉపసంహరించగా, మొదటి ప్రమాద హెచ్చరిక కొనసాగుతోంది. సముద్రంలోకి 12.48 లక్షల క్యూసెక్కుల నీటిని విడుదల చేస్తున్నారు.

భోగాపురం అంతర్జాతీయ విమానాశ్రయం.. ప్రారంభోత్సవ రవాణా ఏర్పాట్లపై మంత్రుల ఉన్నతస్థాయి సమీక్ష

విజయనగరం కలెక్టరేట్‌లో భోగాపురం ASR అంతర్జాతీయ విమానాశ్రయ ప్రారంభోత్సవ రవాణా ఏర్పాట్లపై మున్సిపల్ శాఖ మంత్రి పి. నారాయణ అధ్యక్షతన ఉన్నతస్థాయి సమీక్షా సమావేశం జరిగింది. రవాణా శాఖ మంత్రి మండిపల్లి రాంప్రసాద్ రెడ్డి, కమిషనర్ మహేష్ కుమార్ సింహా పాల్గొన్న ఈ సమావేశంలో విమానాశ్రయానికి కనెక్టివిటీ, ప్రయాణికులకు మెరుగైన రవాణా సౌకర్యాల కల్పనపై చర్చించారు. ప్రారంభోత్సవానికి అవసరమైన ఏర్పాట్లను వేగవంతం చేయాలని అధికారులను మంత్రులు ఆదేశించారు.

ప్రధాని మోదీ భోగాపురం పర్యటన ఖరారు.. నిమిషాల వారీ షెడ్యూల్ ఇదే

ఆంధ్రప్రదేశ్ లోని విజయనగరం జిల్లా భోగాపురం అంతర్జాతీయ విమానాశ్రయ పర్యటనకు సంబంధించి ప్రధాని నరేంద్ర మోదీ అధికారిక షెడ్యూల్ ఖరారైంది. మొత్తం 2 గంటల 25 నిమిషాల పాటు సాగే ఈ పర్యటనలో ప్రధాని మోదీ విమానాశ్రయ పనుల పరిశీలన, శంకుస్థాపనలు, బహిరంగ సభలో ప్రసంగించనున్నారు. గవర్నర్, సీఎం చంద్రబాబు సహా పలువురు ప్రముఖులు ప్రధానికి స్వాగతం పలకనున్నారు.

పార్వతీపురానికి కుంకీ ఏనుగులు.. మంగళగిరిలో పవన్ కళ్యాణ్ స్వాగతం

పార్వతీపురం మన్యం జిల్లాలో మానవ-ఏనుగుల ఘర్షణల నివారణకు పలమనేరు శిబిరం నుంచి 'జయంత్', 'అభిమన్యు' కుంకీ ఏనుగులను గుచ్చిమి శిబిరానికి తరలిస్తున్నారు. మార్గమధ్యంలో మంగళగిరి వద్ద ఉప ముఖ్యమంత్రి పవన్ కళ్యాణ్ గారు వాటికి స్వాగతం పలికి, స్వయంగా ఆహారం అందించి జెండా ఊపి సాగనంపారు. ప్రజల భద్రత, పంటల రక్షణ, వన్యప్రాణుల సంరక్షణ కోసం కూటమి ప్రభుత్వం శాస్త్రీయ చర్యలు చేపడుతోందని ఈ సందర్భంగా ఆయన స్పష్టం చేశారు.

నేడు సీఎం చంద్రబాబు బిజీ షెడ్యూల్.. యుఏఈ మంత్రితో కీలక భేటీ, పురపాలక శాఖపై సమీక్ష

ఆంధ్రప్రదేశ్ ముఖ్యమంత్రి నారా చంద్రబాబు నాయుడు నేడు సచివాలయంలో బిజీగా గడపనున్నారు. మధ్యాహ్నం యూఏఈ మంత్రి అబ్దుల్లా బిన్ అల్ మరితో భేటీ కానుండగా, అనంతరం మున్సిపల్ అడ్మినిస్ట్రేషన్ మరియు అర్బన్ డెవలప్‌మెంట్ శాఖపై కీలక సమీక్ష నిర్వహించనున్నారు.