షాద్‌నగర్: రంగారెడ్డి జిల్లా ఫరూఖ్‌నగర్ మండల పరిధిలోని చించోడు నుంచి వెంకటరెడ్డిపల్లి వరకు రూ. 2.75 కోట్ల భారీ అంచనా వ్యయంతో చేపట్టనున్న డబుల్ రోడ్డు నిర్మాణ పనులకు స్థానిక ఎమ్మెల్యే, రాష్ట్ర ప్రభుత్వ రంగ సంస్థల చైర్మన్ వీర్లపల్లి శంకర్ శంకుస్థాపన చేశారు. ఈ సందర్భంగా ఫరూఖ్‌నగర్ మండలంలోని కిషన్‌నగర్, అయ్యావారపల్లి, చించోడు గ్రామాల్లో పలు అభివృద్ధి కార్యక్రమాలకు ఆయన శ్రీకారం చుట్టారు.
కిషన్‌నగర్, అయ్యావారపల్లి గ్రామాల్లో నూతన గ్రామ పంచాయతీ భవనాలు, డ్రైనేజీల నిర్మాణ పనులను ప్రారంభించడంతో పాటు అర్హులైన లబ్ధిదారులకు రేషన్ కార్డులను అందజేశారు. అలాగే మహిళల కోరిక మేరకు బతుకమ్మలను గంగలో కలిపేందుకు ప్రత్యేకంగా మెట్ల సౌకర్యాన్ని ఏర్పాటు చేశారు. వెంకటరెడ్డిపల్లి సర్పంచ్ విజ్ఞప్తి మేరకు ఆ గ్రామానికి 24 గంటల నిరంతర విద్యుత్ సరఫరా కోసం కొత్త ట్రాన్స్‌ఫార్మర్లు, విద్యుత్ లైన్లను ఎమ్మెల్యే లాంఛనంగా ప్రారంభించారు.
ఈ కార్యక్రమంలో మండల ప్రెసిడెంట్ రాయికల్ శ్రీనివాస్, బ్లాక్ కాంగ్రెస్ అధ్యక్షుడు బాలరాజ్ గౌడ్, సింగిల్ విండో చైర్మన్ శ్రీకాంత్ రెడ్డి, వైస్ చైర్మన్ శేఖర్ ముదిరాజ్, మార్కెట్ కమిటీ చైర్మన్ కృష్ణ రెడ్డి, ఆదివాసీ చైర్మన్ శ్రీను నాయక్, వెంకటరెడ్డిపల్లి సర్పంచ్ రమేష్, చించోడ్ సర్పంచ్ శ్రీనివాస్, ఉప సర్పంచ్ నవీన్ రెడ్డి, సెక్రటరీ ప్రవళిక, వార్డు సభ్యులు అల్లే లింగం, బాదావత్ కిషన్, విజయమ్మ, మాజీ వార్డు సభ్యులు నర్సింలు, సత్యం, రాజు, రమేష్, కాంగ్రెస్ సీనియర్ నాయకులు అల్లే సత్యం, మల్లేష్, నర్సింలు, జీవన్ రెడ్డి, అంబర్ సింగ్, ఉమ్మడి కంసాన్‌పల్లి కాంగ్రెస్ నాయకులు, వెంకటరెడ్డిపల్లి గ్రామస్తులు, మహిళలు, యువకులు పాల్గొన్నారు.
Read latest Telangana News and Telugu News
Updated: 15 Oct 2026 | 02:31 PM IST
Tags: