చిన్నంబావి: నాగర్కర్నూల్ జిల్లా చిన్నంబావి మండల పరిధిలోని వెల్లటూరు గ్రామంలో తాగునీటి సమస్య తీవ్ర రూపం దాల్చింది. గ్రామంలోని పలు కాలనీల్లో నీటి ఎద్దడి తలెత్తడంతో బీజేపీ నాయకులు క్షేత్రస్థాయిలో పర్యటించి పరిస్థితిని పరిశీలించారు. బీజేపీ రాష్ట్ర నాయకుడు కురువ చిన్న మల్లయ్య, నాగర్కర్నూల్ జిల్లా జనరల్ సెక్రటరీ జగ్గరి శ్రీధర్రెడ్డి, చిన్నంబావి మండల అధ్యక్షుడు బొగ్గు కురుమయ్య ఆధ్వర్యంలో నాయకులు ఊరిలోని పలు వీధుల్లో తిరిగారు.
అడుగంటిన ఆరు బోర్లు – కాలనీల పర్యటన
ఈ సందర్భంగా నాయకులు యాదవుల కాలనీ, తెలుగువారి కాలనీ, వాల్మీకుల కాలనీ, కాల్వకట్ట కాలనీ, ఎస్సీ కాలనీ మరియు ఓసీ కాలనీల్లో పర్యటించి స్థానికులతో మాట్లాడారు. గ్రామంలో మంచినీటి సరఫరా ఆధారపడిన ఆరు బోర్లు పూర్తిగా నీరు లేక అడుగంటిపోయాయని స్థానికులు వారి దృష్టికి తెచ్చారు. దీంతో నిత్యం వినియోగించే నీటి కోసం తీవ్ర అవస్థలు పడుతున్నామని ఆవేదన వ్యక్తం చేశారు.
ఎంపీడీవోకు వినతిపత్రం సమర్పణ
గ్రామంలో తాగునీటి సమస్య తక్షణమే పరిష్కరించాలని డిమాండ్ చేస్తూ గ్రామ సర్పంచ్ బెక్కెం సుజాతమ్మ అధికారుల దృష్టికి తీసుకెళ్లారు. ఈ మేరకు ఎంపీడీవోకు ప్రత్యేక వినతిపత్రం అందజేశారు. ప్రజాప్రయోజనాలను దృష్టిలో ఉంచుకుని అధికారులు వెంటనే ప్రత్యామ్నాయ ఏర్పాట్లు చేసి నీటి సరఫరా పునరుద్ధరించాలని కోరారు.
ఈ క్షేత్రస్థాయి పర్యటనలో బీజేపీ నాయకులు గణేష్రెడ్డి, సంపత్కుమార్, మేకల చెన్నయ్య, మద్దిలేటి, డీఎన్ రాము, ఉమేష్ చంద్ర, వెంకటస్వామి, శివకుమార్రెడ్డి, భూపాల్రెడ్డి, పల్లి నరసింహ, పూజారి నరసింహ, విజయ్కుమార్, జోగు మధు తదితరులు పాల్గొన్నారు.