హైదరాబాద్ / నర్సంపేట: వరంగల్ జిల్లా నర్సంపేట నియోజకవర్గ మాజీ శాసనసభ్యుడు, ప్రముఖ బిఆర్ఎస్ నేత పెద్ది సుదర్శన్ రెడ్డి మృతి పట్ల తెలంగాణ ముఖ్యమంత్రి ఎ. రేవంత్ రెడ్డి తీవ్ర దిగ్భ్రాంతి వ్యక్తం చేశారు. ఆయన అకాల మరణం పట్ల ఆవేదన వ్యక్తం చేస్తూ ప్రత్యేక సంతాప సందేశాన్ని విడుదల చేశారు.
ఉద్యమంలో పోషించిన పాత్ర మరువలేనిది
ప్రత్యేక తెలంగాణ రాష్ట్ర సాధన ఉద్యమంలో పెద్ది సుదర్శన్ రెడ్డి పోషించిన పాత్ర అత్యంత కీలకమైనదని, ప్రజల తరఫున ఆయన సాగించిన పోరాటం మరువలేనిదని ముఖ్యమంత్రి రేవంత్ రెడ్డి ఈ సందర్భంగా గుర్తుచేసుకున్నారు. తెలంగాణ స్వరాష్ట్ర సాధన కోసం ఆయన అందించిన సేవలను కొనియాడారు.
కుటుంబానికి ప్రగాఢ సానుభూతి
పెద్ది సుదర్శన్ రెడ్డి పవిత్ర ఆత్మకు శాంతి చేకూర్చాలని భగవంతుడిని ప్రార్థిస్తున్నట్లు సీఎం తెలిపారు. హఠాత్తుగా చోటుచేసుకున్న ఈ విషాదం నుంచి కోలుకునే ధైర్యాన్ని భగవంతుడు ప్రసాదించాలని కోరుతూ.. ఆయన కుటుంబ సభ్యులకు, అనుచరులకు, శ్రేయోభిలాషులకు ముఖ్యమంత్రి రేవంత్ రెడ్డి తన ప్రగాఢ సానుభూతిని, తీవ్ర సంతాపాన్ని తెలియజేశారు.