ఉద్యోగం వెతుకులాటలో షాక్.. ఏఐ చాటింగ్‌తో యువకుడికి చుక్కలు

టెక్నాలజీ యుగంలో ఉద్యోగాల భర్తీ ప్రక్రియ పూర్తిగా మారిపోతోంది. ఒక ప్రముఖ సాఫ్ట్‌వేర్ కంపెనీలో ఉద్యోగం కోసం దరఖాస్తు చేసుకున్న అభ్యర్థికి, సదరు సంస్థకు చెందిన ఏఐ రిక్రూటర్ బాట్ మధ్య జరిగిన సంభాషణ ప్రస్తుతం నెట్టింట హల్‌చల్ చేస్తోంది. ఇంటర్వ్యూ మొదటి రౌండ్ లో భాగంగా అభ్యర్థి నైపుణ్యాలను పరిశీలించిన ఏఐ బాట్.. "మీ ప్రొఫైల్ బాగుంది కానీ, మా కంపెనీలో ఉన్న ఏఐ టూల్స్ మీ కంటే వేగంగా పని చేయగలవు" అంటూ చాటింగ్‌లో రిజెక్షన్ మెసేజ్ పంపింది.

సదరు అభ్యర్థి ఈ స్క్రీన్‌షాట్‌ను సోషల్ మీడియా వేదికగా పంచుకోవడంతో నెటిజన్లు పెద్ద ఎత్తున స్పందిస్తున్నారు. ఏఐ వల్ల ఉద్యోగాలు లభించడం ఎంత కష్టంగా మారిందో ఈ ఘటన నిదర్శనమని ఐటీ నిపుణులు అభిప్రాయపడుతున్నారు.