మేడ్చల్: మేడ్చల్ జిల్లాలోని పోచారం గెలాక్సీ టవర్స్‌లో తీవ్ర విషాదం చోటుచేసుకుంది. యాక్సిస్ బ్యాంక్ ఐటీ విభాగంలో సాఫ్ట్‌వేర్ ఉద్యోగిగా పనిచేస్తున్న మౌనిక సంతోషి (28) అనుమానాస్పద స్థితిలో మృతి చెందారు. ఇంట్లో ఆమె ఉరివేసుకుని ఉండడాన్ని గమనించిన పనిమనిషి వెంటనే పోలీసులకు సమాచారం అందించడంతో ఈ ఘటన వెలుగులోకి వచ్చింది.
మృతురాలు మౌనిక సం బంధువులు తెలిపారు. వీరికి రెండేళ్ల వయసున్న కవల మగపిల్లలు ఉన్నారు. ఘటన సమయంలో ఇంటి తలుపులు తెరిచి ఉండటాన్నితోషి, ఆమె భర్త రమాకాంత్ (ఇన్ఫోసిస్‌లో హెచ్‌ఆర్‌గా పని చేస్తున్నట్లు సమాచారం) ప్రేమించి కులాంతర వివాహం చేసుకున్నారని పనిమనిషి గమనించినట్లు తెలుస్తోంది.
కుటుంబ సభ్యుల ఆరోపణలు
మౌనిక మృతికి సంబంధించి ఆమె కుటుంబ సభ్యులు, బంధువులు పలు తీవ్ర అనుమానాలు వ్యక్తం చేస్తున్నారు. భర్త రమాకాంత్ వేధింపుల కారణంగానే ఆమె ఈ బలవన్మరణానికి పాల్పడిందని బంధువులు ఆరోపిస్తున్నారు. అయితే, మౌనిక మృతికి అసలు కారణాలు ఏమిటనేది పోలీసుల సమగ్ర దర్యాప్తులో తేలాల్సి ఉంది.
సమాచారం అందుకున్న వెంటనే పోచారం పోలీసులు ఘటనాస్థలికి చేరుకుని పరిస్థితిని సమీక్షించారు. మృతదేహాన్ని స్వాధీనం చేసుకుని పోస్టుమార్టం నిమిత్తం గాంధీ ఆస్పత్రి మార్చురీకి తరలించారు. ఈ ఘటనపై కేసు నమోదు చేసిన పోలీసులు, కుటుంబ సభ్యులు, బంధువుల నుంచి వివరాలు సేకరిస్తున్నారు. ఈ దుర్ఘటనకు దారితీసిన పరిస్థితులపై అన్ని కోణాల్లోనూ దర్యాప్తు కొనసాగుతోంది. పోస్టుమార్టం నివేదిక మరియు పోలీసుల విచారణ పూర్తయిన తర్వాత మౌనిక మృతికి సంబంధించిన పూర్తి నిజాలు వెల్లడయ్యే అవకాశం ఉంది.