రాయపోల్: సిద్దిపేట జిల్లా రాయపోల్ మండల కేంద్రానికి చెందిన రజక సంఘం రాష్ట్ర నాయకులు గౌరి గారి పరశురాములు కొంతకాలంగా అనారోగ్యంతో బాధపడుతున్నారు. ఈ విషయం తెలుసుకున్న దుబ్బాక శాసనసభ్యులు (ఎమ్మెల్యే) కొత్త ప్రభాకర్ రెడ్డి శుక్రవారం ఆసుపత్రికి వెళ్లి ఆయనను పరామర్శించారు. ఈ సందర్భంగా పరశురాములు ఆరోగ్య పరిస్థితి వివరాలను వైద్య సిబ్బందిని అడిగి తెలుసుకున్నారు. ఆయనకు మెరుగైన వైద్యం అందించాలని ఆసుపత్రి సిబ్బందికి ఎమ్మెల్యే సూచించారు. కష్టకాలంలో పరశురాములు కుటుంబానికి పార్టీ తరఫున, వ్యక్తిగతంగా ఎల్లప్పుడూ అండగా ఉంటామని ఆయనకు ధైర్యం చెప్పారు.
ఈ పరామర్శ కార్యక్రమంలో ఎమ్మెల్యే వెంట రాయపోల్ మాజీ జడ్పీటీసి లింగాయపల్లి యాదగిరి, మండల పార్టీ అధ్యక్షుడు వెంకటేశ్వర శర్మ, బీఆర్ఎస్ యువజన విభాగం రాష్ట్ర నాయకులు రాజిరెడ్డి, మండల యువజన అధ్యక్షులు గల్వా దయాకర్ రెడ్డి, మాజీ సర్పంచ్ నర్సింలు తదితరులు పాల్గొన్నారు.