కొల్లాపూర్: తెలంగాణ సాయుధ పోరాట వీరనారి చాకలి ఐలమ్మ జయంతి వేడుకలను కొల్లాపూర్ పట్టణంలో కాంగ్రెస్ పార్టీ ఆధ్వర్యంలో అత్యంత ఘనంగా నిర్వహించారు. ఈ సందర్భంగా నాయకులు చాకలి ఐలమ్మ చిత్రపటానికి పూలమాలలు వేసి ఘనంగా నివాళులర్పించారు. తెలంగాణ సాయుధ పోరాటంలో ఐలమ్మ ప్రదర్శించిన వీరోచిత పోరాటాన్ని, ఆమె అసాధారణ ధైర్యసాహసాలను ఈ సందర్భంగా నాయకులు స్మరించుకున్నారు.
ఐలమ్మ పోరాట స్ఫూర్తిని నిత్యం కొనసాగిస్తూ, సమానత్వం కోసం ప్రతి ఒక్కరూ కృషి చేయాలని ఈ వేదికగా వారు పిలుపునిచ్చారు. బడుగు, బలహీన వర్గాల హక్కుల కోసం ఆమె చేసిన పోరాటం నేటి తరానికి ఎంతో స్ఫూర్తిదాయకమని కొనియాడారు. ఈ కార్యక్రమంలో కొల్లాపూర్ మున్సిపల్ చైర్మన్, వైస్ చైర్మన్, పలువురు సర్పంచులు, కౌన్సిలర్లు, కాంగ్రెస్ పార్టీ సీనియర్ నాయకులు తదితరులు పెద్ద సంఖ్యలో పాల్గొని వీరనారికి నివాళులర్పించారు.