షాద్‌నగర్: ఫరూఖ్‌నగర్ మండల పరిధిలోని కమ్మదనం రెసిడెన్షియల్ గురుకుల పాఠశాలను షాద్‌నగర్ శాసనసభ్యులు, రాష్ట్ర ప్రభుత్వ రంగ సంస్థల కమిటీ చైర్మన్ వీర్లపల్లి శంకర్ సందర్శించారు. ఈ సందర్భంగా పాఠశాల ప్రిన్సిపాల్ శారదతో మాట్లాడి విద్యార్థులకు అందుతున్న నాణ్యమైన విద్య, వసతులు, పాఠశాలలో నెలకొన్న వివిధ సమస్యలను అడిగి తెలుసుకున్నారు. పాఠశాల ప్రిన్సిపాల్‌తో పాటు ఉపాధ్యాయ సిబ్బంది పలు సమస్యలను ఎమ్మెల్యే దృష్టికి తీసుకెళ్లారు.
ముఖ్యంగా విద్యార్థులు ఎదుర్కొంటున్న తాగునీటి సమస్యపై ఎమ్మెల్యే వీర్లపల్లి శంకర్ ప్రత్యేకంగా స్పందించారు. విద్యార్థుల తాగునీటి అవసరాల కోసం సరిగ్గా వారం రోజుల్లోగా నూతన నీటి ట్యాంకును ఏర్పాటు చేస్తానని ఆయన ఘనంగా హామీ ఇచ్చారు. పాఠశాలలో ఉన్న ఇతర చిన్నపాటి సమస్యలను కూడా దశలవారీగా పూర్తిగా పరిష్కరించేందుకు అవసరమైన అన్ని చర్యలు తీసుకుంటామని తెలిపారు.
ఈ కార్యక్రమంలో కేశంపేట మండల కాంగ్రెస్ అధ్యక్షుడు అన్మగళ్ల రమేష్, వెలిజర్ల గ్రామ సర్పంచ్ ఆర్. బాబు నాయక్, మార్కెట్ కమిటీ డైరెక్టర్ టీ. కరణకర్, గిరిజన విభాగం జిల్లా అధ్యక్షుడు శ్రీనునాయక్, ఎస్సీ విభాగం నేత జాంగారి రవి, కాంగ్రెస్ నేతలు మాధవులు యాదవ్, గణేష్ నాయక్, జాంగారి జంగయ్య, కుమార్ నాయక్, మేగ్య నాయక్, రాజు, గురుకుల పాఠశాల ప్రిన్సిపాల్, ఉపాధ్యాయ సిబ్బంది పాల్గొన్నారు.