నాగోల్: నాగోల్ డివిజన్ పరిధిలోని సహభావన ఏ బ్లాక్‌లో స్థానిక ప్రజల కోసం నూతనంగా నిర్మించిన ఓపెన్ జిమ్‌ను ఎల్‌బీనగర్ శాసనసభ్యులు దేవిరెడ్డి సుధీర్ రెడ్డి ఘనంగా ప్రారంభించారు. ఈ సందర్భంగా ఎమ్మెల్యే సుధీర్ రెడ్డి మాట్లాడుతూ.. ప్రజల ఆరోగ్యాన్ని, శ్రేయస్సును దృష్టిలో ఉంచుకుని కాలనీలలో అవసరమైన మౌలిక వసతులతో పాటు వ్యాయామ సదుపాయాలను కూడా పెద్దపీట వేసి అందుబాటులోకి తీసుకువస్తున్నామని తెలిపారు. ప్రతి ఒక్కరూ శారీరక దారుఢ్యాన్ని కాపాడుకోవాలని, కాలనీవాసులు ఈ ఓపెన్ జిమ్‌ను సద్వినియోగం చేసుకుని ఆరోగ్యవంతమైన జీవనశైలిని అలవర్చుకోవాలని ఆయన సూచించారు.
ఈ ప్రారంభోత్సవ కార్యక్రమంలో చింతల సురేందర్ యాదవ్, మాజీ కార్పొరేటర్ చెరుకు సంగీత ప్రశాంత్ గౌడ్, డివిజన్ అధ్యక్షులు తూర్పాటి చిరంజీవి, విశ్వేశ్వర్ తదితర నాయకులు, కాలనీ సంక్షేమ సంఘం ప్రతినిధులు, స్థానికులు పాల్గొన్నారు.