హైదరాబాద్: పోటీ పరీక్షలకు సిద్ధమవుతున్న నిరుద్యోగ యువతకు తెలంగాణ రాష్ట్ర ప్రభుత్వం తీపి కబురు అందించింది. బీసీ సంక్షేమ శాఖ ఆధ్వర్యంలో నిర్వహిస్తున్న 12 టీజీ బీసీ స్టడీ సర్కిళ్ల (TG BC Study Circles) ద్వారా 125 రోజుల ఉచిత ఫౌండేషన్ కోచింగ్ కోసం అర్హులైన అభ్యర్థుల నుంచి దరఖాస్తులను ఆహ్వానిస్తోంది.
వివిధ పోటీ పరీక్షలకు సమగ్ర శిక్షణ
ఈ శిక్షణా కార్యక్రమంలో భాగంగా గ్రూప్-1, గ్రూప్-2, గ్రూప్-3, గ్రూప్-4 ఉద్యోగాలతో పాటు బ్యాంకింగ్, SSC, RRB మరియు పోలీస్ ఉద్యోగ నియామక పరీక్షలకు నిపుణులైన అధ్యాపకులతో నాణ్యమైన శిక్షణ అందించనున్నారు. డిగ్రీ పూర్తి చేసిన బీసీ, ఎస్సీ, ఎస్టీ మరియు ఈబీసీ (EBC) కేటగిరీల అభ్యర్థులు ఈ అవకాశాన్ని ఉపయోగించుకోవచ్చని అధికారులు తెలిపారు.
నెలకు రూ.1,000 స్టైపెండ్ – దరఖాస్తు వివరాలు
కోచింగ్కు ఎంపికై 75 శాతం కంటే ఎక్కువ హాజరు సాధించిన అభ్యర్థులకు ప్రోత్సాహకంగా ఐదు నెలల పాటు నెలకు ₹1,000 చొప్పున స్టైపెండ్ అందించనున్నారు. అర్హత కలిగిన అభ్యర్థులు జూలై 25 నుండి ఆగస్టు 14 వరకు అధికారిక వెబ్సైట్